«Жаңартылған білім беру мазмұнын негізге ала отырып ұлттық идея құндылықтарын жаңғырту» тақырыбындағы семинар

Шымкент қалалық білім басқармасына қарасты Т.Тәжібаев атындағы №47 мектеп-гимназиясы жуырда жаңартылған білім беру мазмұны негізінде ауқымды семинар өткізді. Семинарға Шымкент қалалық білім басқармасы, педагогикалық шеберлік орталығы, физика-математикалық бағытындағы НЗМ, қала мектептерінің мұғалімдері және басшылары қатысты. Мектеп тынысының үздіксіздігі мектеп басшысына байланысты, олай болса мектеп директоры Жәмиля Смайлқызы Оспанованың тынымсыз еңбегі игі бастамаға жетеледі деп нық сеніммен айта аламыз. «Жаңартылған білім беру мазмұнын негізге ала отырып ұлттық идея құндылықтарын жаңғырту» тақырыбындағы айтулы семинар соның бір айғағы бола алды.