Jas leader akademiiasy

Шымкент қаласы Т.Тәжібаев атындағы №47 мектеп-гимназиясында  2021-2022 оқу жылынан бастап «Jas leader akademiiasy»  Болат Өтемұратов қорының қолдауымен мектеп оқушыларына «Көшбасшы»  факультативтік курсын оқыту  қолға алынған. Курстың арнайы сертификатын иеленген қазақ тілі мен әдебиеті пәнінің мұғалімі Адилбекова Мафруза және тарих пәнінің мұғалімі Құдиярова Айман  мектеп оқушыларына осы факультативтік курсты жүргізуде.  22.04.2022 жылы ұстаздар 5-6-сынып оқушыларымен жобалық менеджмент шағын конференциясын өткізді. Конференция барысында оқушыларға конференцияның өткізілу мақсаты түсіндірілді,  жоба туралы түсінік берілді. Оқушылар қоғамға үн қосар тұлға, азамат ретінде ойлана отырып, мектеп, қоғам, кәсіпкерлікке қатысты түйткілді қандай мәселелер бар екеніне ой жүгіртті. Оқушылар өздері анықтаған мәселелердің себептері мен салдарлары туралы ойлана отырып,  сондай шешімін табу кезек күттірмейді деп таныған сол мәселелермен күресу және оны шешу жолдарын ұсына отырып, оқушылар өз жобаларын жасады. Жасаған жобаларымен таныстырды. 

Жас буын ұрпақты қоғам мәселелеріне бейжай қарамайтын, ойымен де, идеясымен де, тұлғалық, көшбасшыға тән ұйымдастырушылық қасиетімен де көпшілікке, елге пайдалы азамат ретінде қалыптастыруға үйрететін конференция жоғары деңгейде өткізілді.