«Мамандығым - мақтанышым»

Қазан айының алғашқы аптасы келісімен республика көлемінде мұғалімдер күні мерекесі  аталып өтілгені мәлім. Осы кәсіби мерекеге орай «Өрлеу» біліктілікті арттыру ұлттық орталығы» акционерлік қоғамының филиалы Түркістан облысы және Шымкент қаласы бойынша педагогикалық қызметкерлердің біліктілікті арттыру институты «Өрлеу - Шымкент» республикалық әдістемелік-педагогикалық журналының  2021 жылғы №5 (53) санын жарыққа шығарды.  Журналдың осы аталған санында мұғалімдердің  өз мамандығы мен ағарту ісіне қатысты көкейкесті ойлары көрініс тапқан мақалалары жарияланды. Т.Тәжібаев атындағы №47 мектеп-гимназияның қазақ тілі мен әдебиеті пәнінің мұғалімі Адилбекова Мафруза Үсенқызы  «Мамандығым - мақтанышым» атты мақаласын жолдап,  баспа бетінен орын алды. 

                Мафруза Үсенқызының өз ісіне адал, білікті маман ретінде жүректен сыр ақтарып жазған аталған мақаласы ұстаздар қауымына үлгі болары сөзсіз. Ұстазымызға  бала тәрбиелеу ісінде табыс, шығармашылық шабыт тілей отырып, қаламыңыз мұқалмасын дейміз.[media=]