КӨК ТУДЫҢ ЖЕЛБІРЕГЕНІ

КӨК ТУДЫҢ ЖЕЛБІРЕГЕНІ

   Шымкент қаласы Төлеген Тәжібаев атындағы 47 мектеп-гимназияда 25 қазан-Республика күніне орай және Қазақстан Республикасының мемлекеттік рәміздерінің 30 жылдығына арналған  "Көк Тудың желбірегені" атты Жастар Форумы өтті. 

      Аталған іс-шара өзін-өзі басқару ұйымы "Мектеп Парламентінің" мүшелерінің  ұйымдастыруымен өткізілді. 

    Шырайлы Шымқаланың "Тәуелсіздік саябағында" мемлекеттік рәміздері бойынша арнайы  түсірілген репортаж көрсетілді. 

     Мектептегі  пәндік олимпиадалар мен ғылыми жобалар сайыстарының , зияткерлік байқаулардың жеңімпаздары, "Елбасы медалінің" иегерлері, "Дебат" ойындарының жеңімпаздары, мектебіміздің спорт жұлдыздары -халықаралық, республикалық ,қалалық спорт жарыстарының жеңімпаздары мен чемпиондардың "Жұлдыздар аллеясы" шеруі өткізілді.

    Жастар форумының барысында мектебіміздің өнерпаз оқушылары өз өнерлерін көрсетті.

    Іс-шараның соңында мектебіміздің хоры мен жоғары сынып оқушылары "Көк тудың желбірегені" әнін бүкіл көрермендер орындады.

   Мектеп-гимназия директоры Оспанова Ж.С. 25 қазан-Республика күніне және ҚР-ның мемлекеттік рәміздерінің 30 жылдығына орай

 "Мәңгілік жаса, қыран Қазақстаным!"  апталықтың аясында өткізілген  спорттық жарыстар мен байқаулардың жеңімпаздары мақтау қағаздарымен  марапаттады.

#Қосымша_білімберу_ орталығы